هادا واحد الرجل دخل لواحد القهوة وهو يقول باعلى صوتو " اللي كيخاف من مرتو يخرج من القهوة " ، وشوية وهو يبدى المرطون كلشي خرج كيجري خايفين ، إلا رجل بقى جالس فالمقعد ديالو ، وهو يسولو داك الراجل ، " انت زعمة مكتخافش من مراتك " فكان جواب الرويجل " لا مرتي قالت لي بقى جالس هنا متحركش تانجي "
هادا واحد الراجل سميتو نوفل كيخاف من مرتو سميتها ناريمان
وقتما دخل نوفل لدار
ناريمان : نوفل غسل المعان وجفف الدار ونشر الصابون يالله
نوفل : واخى
ناريمان : نوفل عطيني الخلصة ديالك كاملة وهاك 100 درهم باش دور
نوفل : واخى
نوفل مشى عند صاحبو باش يعاونو صاحبو قاليه
"شوف اصاحبي مني تبغي دخل وضرب الباب برجليك ودخل كتغوت مرتك غادة تخاف "
هادشي اللي دار نوفل دخل لدارو وهو يضرب الباب برجليه وكيغوت
نوفل : ناااااااااااااااااااااااااااااااريييييييييماا ااااا ااااااااااا ن
ناريمان هازة مقلة وهي تخرج مغوبشة : مالك اش بغيتي
نوفل : والو غير بغيت نسولك واش كينين شي ماعن لغسيل ولا شي جفاف باش نجفف